Мектептің басты тұлғасы, жүрегі мұғалім. Егемен еліміздің ертеңін ойлар білімді де саналы, Отанын, туған жерін, ұлтын сүйетін ұлтжанды парасатты азаматта тәрбиелеуде мұғалімнің еңбегі орасан зор екенін баршамыз мойындаймыз. Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Осында тұлғалардың бірі мектебіміздің зейнеткер ұстазы -Мукажанова Майра Хамитқызы. Майра Хамитқызы 1946 жылдың 20 желтоқсанында Аққұдық ауылында дүниеге келген. 1965 жылы мектеп бітіріп, Алматы қаласындағы Қазақ мемлекеттік университетіне филология факультетіне түсті. 1972 жылы оны аяқтады. Еңбек өтілі:42 жыл.1997-2007 жылдар арасында Чкалов №2 орта мектебінде оқу ісінің меңгерушісі болып істеді. 2000 жылы Чкалов №2 орта мектебінің ашылуына үлес қосқаның үшін сізге алғысымыз шексіз. Жас ұрпақты білім нәрімен сусындатқан, шәкірт жүрегіне гүл екен, бала жанының бағбаны болған аяулы ұстаз. Құрметті Майра Хамитқызы сізді кәсіби мерекелеріңізбен шын жүректен құттықтаймыз!Мытқы денсаулық, отбасыңызға амандық тілейміз!

Шәкірттеріне тек білім ғана емес адами қасиеттерді ұялатып, өз өмірімен үлгі бола білген тұлғалардың бірі – Тулетаева Кулжамила Нұрабайқызы. 31.07.1945ж. дүниеге келген. 1970 жылы Қарағанды педагогикалық институтын химия – биология пәні маманы ретінде бітіріп, еңбек жолын бастаған. Еңбек өтілі: 40 жыл.Чкалов №2 орта мектебі ашылғаннан бастап, биология мен химия пәндерінен дәріс беріп, оқушылардан өз білгенін аямай еңбек еткен. Әрине, ол өз кәсібінің майталманы, осы мақсатқа рухани күш-жігерін, парасат-қуатын салғаны айтпаса да түсінікті. Бұл – әркімнің қолынан келе бермейтін, ерекше талантты қажет ететін, бай қиялды адамға тән қасиет. Сондай-ақ ұстаз күнбе- күнгі өзінің көп қырлы еңбегінде мазмұны әр түрлі кездейсоқ жайттардың туындап отыратынын алдын ала сезіп, болжап және оның оң шешімін табуға дайын болған тұлға.Сондықтан Кулжамила Нұрабайқызын әр баланың жан-дүниесін танып-білуші әрі оны жеке тұлға етіп қалыптастырушы, ел болашағының мүсіншісі деуге болады. Оның мейірімге толы жүрегі шәкірт бойындағы талай ағаттықты кешіре біледі. Оның бойындағы білім мен ақыл, ойының қуаты талай тентекті жуасытып, небір еркені сабасына түсіреді, тәртіпке баулып, есейтіп, ержеткізді.Құрметті Кулжамила Нұрабайқызы сізді ұстаздар мерекесімен құттықтаймыз, денсаулық, отбасыңызға амандық тілейміз!!!